Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, Հայաստանի Հանրապետության Շիրակի մարզի Ախուրյան համայնքի ավագանու 2022 թվականի ապրիլի 26-ի թիվ 61-Ն որոշման հավելվածի 17.1-ին կետի 2-րդ ենթակետի դրույթներով, հաշվի առնելով Հայաստանի Հանրապետության Շիրակի մարզի «Ախուրյանի Նիկոլ Աղբալյանի անվան ավագ դպրոց» պետական ոչ առևտրային կազմակերպության տնօրենի գրությունը՝ Հայաստանի Հանրապետության Շիրակի մարզի Ախուրյան համայնքի ավագանին որոշում է՝ 1. Հայաստանի Հանրապետության Շիրակի մարզի Ախուրյան համայնքի բյուջեի պահուստային ֆոնդի 4727 հոդվածից «Կրթական, մշակութային և սպորտային նպաստներ բյուջեից» հատկացված գումարներից Անահիտ Արտակի Մնացականյանին տրամադրել դրամական աջակցություն 2024 թվականին հանրապետական օլիմպիադայի եզրափակիչ փուլում՝
1) «Հայոց լեզու» առարկայից 1-ին կարգի դիպլոմով պարգևատրվելու համար՝ 100000 /մեկ հարյուր հազար/ դրամ:
2) «Հայոց պատմություն» առարկայից 1-ին կարգի դիպլոմով պարգևատրվելու համար՝ 100000 /մեկ հարյուր հազար/ դրամ:
3) «Ֆրանսերեն» առարկայից 3-րդ կարգի դիպլոմով պարգևատրվելու համար՝ 60000 /վաթսուն հազար/ դրամ: |